Psa 61 | MMX | STEP | O Moroa, una ronga lanteng tarak, una ronga lising tarak.

Psalms 61

Lisingising Ti Loklok Aratao

1 O Moroa, una ronga lanteng tarak, una ronga lising tarak.

2 Nia a bulu aleng la ak lok to vaxalom basinge lemenemen tarak, la a ngising tu. Una lok kaka ia uto at loxot loklox alipe, 3 atla nenu Lurutu See Pe rak; nenu u tu lolos pe ia at limixin munepen minia.

4 Una ke avolo ia kusu ana nemen amisik to at loogu kaala ram at lorooro axap tarak. Una kubak pe ia maxopok at luvapa ram, kusu ana nemen matmatkun.

5 O Moroa, uga ronga vam levengkakaape rak, la uga raba ia mi mo leveloklok anarong mo u gagas min tinedi dik lok ngangao ram.

6 Nia a sing u do una lox epasum levenmaares at loorong; una ke avolo i xusu ni na rooro bok be at taxanmaares solo. 7 O Moroa, lixitkis amgomgo ren na nemen amisik at laxasep taram; una lox aumsu i mi labalamu lexen la luruturun taram.

8 Kuren la anabak pixan emi asu amisik tu, do at levenaleng getgesera anam taba u mi leventamtaba nia aga xaape min.